Episode notes
Maa-Baap hamare chaand-sooraj-sitaare sabhi Unke pyaar aur saahas se bani shakseeyat apni. Maa ki thandi chaav Garam hawayein yahan aa sakti nahi Godh mein unki sar rakhkar Bhula de gam aur fikar sabhi Apne aanchal mein chipale jab bhi hame Yun lage ki poori jannat simti ho isme. Baap ka josh aur saahas Baap ki mehnat aur himmat Inka bhi koi mol nahi Inse prerna lekar sawaare zindagi apni. Chuka sakte nahi maa-baap ka hum ehsaan kabhi Is pyaar ke ehsaas ko na samjhe farz hi sabhi. Maange se bhi na milte Bin maa-baap ke pehchaan kabhi Jo sar jhuk jaaye inke charno mein Unki aasees se badhkar…
Podcast
Dil Se
Bubbles Kandhari · Leisure & Travel · English
This is part of my ‘Dil Se’ series of poems written over a period of 25 years. This has also been self-published as a book named Dil Se - With a touch of gold.
More from Dil Se All episodes →
-
E99 · 1 Apr 2022
Sohna Sajjna
Hur dum rehnda chaa eh dil nu Sohni tasveer banavan teri sajjna Chukka kulam te rang bhur devan Koi rang na chhudda baki ve sajjna. Kissey terian baharan de Mai murh murh sunavan ve sajjna Toon Rubb di vuddi mehar jeha, hissey virle de aavey ve sajjna. Kujh pehlu hunde zindagi de Kite dukh te kite sukh sajjna Eh vi usdi den samajh ke Sache rubb wul rakhkh toon mukh sajjna. Tenu Neelam kahan ke kahan panna Toon koi Sadhu Sant fakeer sajjna Hur koi keemat nahin laa sukda Kujh hunde ne ratan anmol sajjna. Kise sohne nanhe balak di Tere mukhon dise tasveer sajjna Tera hirda wang komal puttian de…
-
E71 · 1 Apr 2022
Hindustan Ki Beti
Moam ki nahin hoon ke pighla doge mujhko Kagaz ki nahin bani ki gula dogé mujh ko Shér ki duhaad se na dura paoge mujhko Phool si nazuk hi sahi – na kuchal paoge mujhko. Aandhiyon sé beh jaati nahin hoon Zalzale se dur jaati nahin hoon Hindustan ki beti hoon, na samajhna mazloon mujhko Oos per bharosa hai, khud sambhalega woh mujh ko. Sikhi ne sikhaya nahi kamzor bunna mujhko Khud ko mehfooz, auron ki hifazat kurna mujhko Dil pe teer chalanewalo, katé hi na gira paoge mujhko Per yuhin mur jaate yaaro gur ek nazar Pyaar se dekha hota mujhko.
-
E70 · 1 Apr 2022
Na Jaane Kub Hum Bade Ho Jaate Hain
Na jaane kub hum bade ho jate hain Kub din mahine saal guzar jaate hain Dheere dheere apne bhi chod jaate hain Na jaane kub hum bade ho jate hain. Bachpan se jawani ka safar toh hai pyaara Lekin kahan yeh sada rehta hamara Khud ko samajh nahi aati hai Zindagi kis raftar se guzar jaati hai. Dil toh shayad abh bhi jawan hai hota Jism vaisa abh saath nahin deta Dekh kur bachpan ki tasveerein Hairan se ho jaate hain Phir purani yaadon mein Achanak se kho jaate hai. Hulki si muskaan honthon pe aa jati hai Kaise the hum kaise bun jaate hai Na jaane kub hum bade ho jaate hain. Chehre pur jub hulki…
-
E69 · 1 Apr 2022
Ek Nazaria
Kyon na is subah ko kisi ki khushiyon mein badal dein Kisi mazloom ke aansuon ko hansi mein badal dein Sahas aur sabur ka ehsaas dila ke Umeed ki ik sunehri kiran mein badal dein. Kya pata kal hum hon na hon Apna kartavya nibhate aaj toh badul dein Koi kab tak yaad rakhe kisi ko is jahan mein Chalo is duniya ki kadvahat ko mithas mein badal dein. Woh haar chadaate hai tasveer par apna farz samajh kar Kyon na is nayi jheel ki soch ko hi badal dein Khuda mujhe tu itni toufiq ada kar Ki aakhri saans bhi meri kisi ke gum ko khushi mein badal de.
-
E68 · 1 Apr 2022
Khuda Ki Nehmatein
Pathron aur cement ke gharon se niklow Kuch khuli hawa mein saans to leh low Chalo karein hum oos khuda ki ibadut Banayi hai jisne yeh khoobsurat kaynat. Badlon me chippi yeh barfili chotiyan Guftgoo kurti hui aasman se pahadiyan Hasta suraj haolé haolé apna bhi rang dikhlaye Rimjhim rimjhim baarish ki boondein Yoonhi mann ki pyaas bujhayein. Panchi kuch shakhon pe baithe Kuch lambi udaan bhur jaate Vishal akaash ki khuli azaadi Na seema na bandhan na samaaj ki ko pabundi. Rang birunge phool rahon mein khil khilate hai Beach pahadiyon se jhurne bhi behte jaate hai Paas behti nirmal jheel…
-
E66 · 31 Mar 2022
Mann Jeete Jag Jeet
Mann tu kahan kahan ud jaata hain Kitni daud lagata hain Kyun nahi bas mein aata hain? Tu itna chanchal, par bhi sundar Rehta hai tu mere hi andar Phir bhi kyun na pukkad mein aata Kyun tu mujhe sada satata? Tujhe paana jeevan ka lakshya bana hain Itna kathin raasta ye chuna hain Haroongi nahi is koshish mein Kar loongi tumhe apne bas mein. Simran aur dhyan karoongi Yog aur pranayam karoongi Lag jayegi jab tumhe mujhse preet Tum aur hum na honge vipreet Ban jaoge tum mere meet. Phir duniya lenge milkar jeet Kyunki “Mann Jeete Jag Jeet”.
-
E65 · 31 Mar 2022
Mere Humsafar
Ab tum ho gaye 60 saal ke Main 55 ke upar ki Phir bhi preet nibhaayenge hum Yunhi apne bachpan ki. Bachpan beeta-jawani ko taapa Ban gaye phir hum mummy-papa Diye tumne mujhe do anmol ratan Mehekne laga mera ghar aangan. Waqt beeta phir aaee betiyaan Ghar mein dugnee ho gayi khushiyaan Phir aaye do pyaare pote Jin ki kilkaariyon se hum khush hote Inke khel khel mein roz Hum phir bachpan rahe hai khoj. Rubb se yahi dua humari Yunhi phaltee rahe khushiyon ki kyaaree Zindagi tumhari har gum se door ho Khushalee aur pyaar se bharpur ho. Phool sa komal hriday tumhara Masoomiyat ismen bastee hai…
-
E64 · 31 Mar 2022
Bairaag
Baadalon mein chhip kar, yun dekha kare hai tu Tu bhi na is tadap ko samajh sake hai k yon? Dheemee see raftaar se yun chal raha hai tu Kab tak mera paigaam pahuncha sakega tu? Kehna ki milan ki is aas mein tamaam zindagi bita di Kuch khabar hi nahin is pyaar ne kya-kya sada di. Yun hi - ghoom rahi hoon main akele - baawree Dil mein ik dard chhipae - aankhon mein udaasee. Kabhi sajtee bhi hoon sanvartee bhi hoon Phir dekhti hoon darpan. Kaash aajaaye wo ab saamne To kar doon main sab kuchh arpan. Aankhon mein asha ki jyot hai Seene mein meethee si chubhan. Milan ka yeh kaisa hain junoon Ki…
-
E63 · 31 Mar 2022
Paigam
Ek panchhi mere dur pe hur roz hai aata Jaane kyon mujhe hai taakta rehta Kya yeh mujhse kuch kehna chahta Ya kisi ka koi paigam hai laata. Kyon, mai bhi uska intezaar hoon karti Na jaane kiski hai rooh usme basti Kuch pul door se usse neharoon Hood hood kurke pyaar se pukaroon. Kya woh hai bilkul besahara Ya pooch raha hai haal hamara Lagta hai mujhe woh jaana-pehchana Kuch apna sa, nahi begana. Kyon hur roz mere woh saamne aata Dekh mujhe luge woh muskurata Kyon woh kisi apne ki yaad hai dilata Suna buzurgon se maine, Roohon ka paigam hai laata.
-
E62 · 31 Mar 2022
Dost
Akele jub kabhi neend nahi aati Doston ki badi hi yaad hai satati Kaun jaane base hain kahan kub se Unhone bhi rabta na kiya humse. Bikhar gaye sub dost purane Milte hai ab log anjaane Kuch dost humare rooth gaye Duniya ki bheed mein kuch kho gaye. Kuch duniya chod kar hi chale gaye Hum apne masailon me ghire rahe Kahan gaye bachpan ke dost pyaare Hote the jinpe vaare nyaare. Masoom dosti bahut hi pyaari Yahi thi apni duniya sari Kahan hai Sushi, Sarla aur Sujata Hamesha nibhate jo apna vaada. Andhi aaye toofan aaye Apne saath sada unhein payein Ab zindagi shayad badal gayi hai Nayi rahon…
Take it with you
The Melo app keeps playing with the screen off, works in the car and on your watch, wakes you to your station, and browses the whole catalogue offline. Free, no ads, no account.
