Episode notes
ଆମ ଶରୀରରେ ଥାଇରଏଡ୍ ହରମୋନ୍ର ପ୍ରସ୍ତୁତି ପାଇଁ ଆୟୋଡିନ୍ର ଭୂମିକା ଖୁବ୍ ବେଶୀ। ଆୟୋଡିନ୍ ଅଭାବରୁ ଶାରୀରିକ ଓ ମାନସିକ ବିକାଶରେ ବାଧାପ୍ରାପ୍ତ ହୋଇଥାଏ। ଏହାଛଡ଼ା ଗଳଗଣ୍ଡ ଭଳି ସମସ୍ୟା ହୋଇଥାଏ। ଆୟୋଡିନ୍ ଗ୍ରହଣ କରିବାର ସବୁଠୁ ସହଜ ଉପାୟ ହେଲା ଲୁଣ। ସେଥିପାଇଁ ଦୈନନ୍ଦିନ ଖାଦ୍ୟାଭ୍ୟାସରେ ଆୟୋଡିନ୍ ଯୁକ୍ତ ଲୁଣର ବ୍ୟବହାର କରିବା ଜରୁରୀ। ୟୁନିସେଫ୍ ‘ମୀନା’ ଅଡିଓ ସିରିଜ୍ର ‘ମୁଁ ଭୁଲି ଗଲି’ ଅଧ୍ୟାୟରେ ଆୟୋଡିନ୍ ଲୁଣ ଶରୀର ପାଇଁ କେତେ ଜରୁରୀ, ଏହା ଉପରେ ଗୁରୁତ୍ୱ ଦିଆଯାଇଛି।
Podcast
Meena - Odia Series
ODICAST · Kids & Family · English
In this Odia audio series, Meena takes you through her adventures with her brother Raju and per parrot Mithu discussing the lives of children in South Asia - in the setting of their village and beyond. Meena: a spirited, nine-year old girl is an animated character from South Asia who tackles key is
More from Meena - Odia Series All episodes →
-
14 Sep 2020 · 14 min
Barfi Competition
ଝିଅମାନେ ପାଠପଢି କ’ଣ କରିବେ? ଝିଅମାନେ ବାହରେ ନ ବୁଲି ଘରକାମ କରିବା ଉଚିତ। ଅଧିକାଂଶ ଲୋକ ଝିଅମାନଙ୍କୁ ନେଇ ଏମିତି କେତେ କଥା ଚିନ୍ତା କରିଥାଆନ୍ତି। ୟୁନିସେଫ ‘ମୀନା’ ଅଡିଓ ସିରିଜରେ ‘ବର୍ଫି ତିଆରି ପ୍ରତିଯାଗିତା’ ଅଧ୍ୟାୟରେ ବାଳିକାମାନଙ୍କ ପାଠପଢା ଉପରେ ଗୁରୁତ୍ଵ ଦିଆଯାଇଛି।
-
14 Sep 2020 · 14 min
The Secret of Friendship
ଶାରୀରିକ ଅକ୍ଷମତା ବ୍ୟକ୍ତି କୌଣସି କାମ କରିପାରିବନି ଭାବିବା ଆଦୌ ଉଚିତ ନୁହେଁ। ସେମାନଙ୍କୁ ସହଯୋଗ କଲେ ସେମାନେ ମଧ୍ୟ ସବୁ କାମ ସମ୍ଭବ କରିପାରିବେ। ସେମାନଙ୍କୁ ହେୟଜ୍ଞାନ ନକରି ଧୈର୍ଯ୍ୟର ସହ ସାହାଯ୍ୟ କରିବା ଫଳରେ ସେମାନେ ସବୁକିଛି କରିବାକୁ ସକ୍ଷମ ହୋଇପାରିବେ। ୟୁନିସେଫ ‘ମୀନା’ ଅଡିଓ ସିରିଜରେ ‘ବନ୍ଧୁତାର ରହସ୍ୟ’ ଅଧ୍ୟାୟରେ ଶାରୀରିକ ଅକ୍ଷମତା ବ୍ୟକ୍ତିଙ୍କୁ ସବୁ ସମୟରେ ବନ୍ଧୁ ଭଳି ସାହାଯ୍ୟ କରିବା ଉଚିତ ବୋଲି ବାର୍ତ୍ତା ଦିଆଯାଇଛି।
-
13 Sep 2020 · 14 min
Looking Happy
ସବୁ ଦୁଃଖର କିଛି ନା କିଛି କାରଣ ଥାଏ। ଏହି ଦୁଃଖକୁ ଅଧିକ ଦିନ ମନ ଭିତରେ ରଖିଲେ ରାଗ ଆସିଥାଏ। ତେଣୁ ନିଜ ମନର ସବୁ ସୁଖଦୁଃଖ ଅନ୍ୟ ସହ ବାଣ୍ଟି ଦେଲେ ଖୁସି ଲାଗେ। ନିଜ ସମସ୍ୟା ଆଉ କାହାକୁ ଜଣେଇଲେ ସମାଧାନର ବାଟ ବାହାରି ଆସେ। ମୀନାର ସାଙ୍ଗ ମୁରଲୀ ସହ ସେମିତି ଘଟଣା ଘଟିଛି। ମୁରଲୀର ବାପା ଅସୁସ୍ଥ ଥିବା ଯୋଗୁଁ ମୁରଲୀକୁ ସବୁ କାମ କରିବା ପାଇଁ ପଡୁଛି। ପରେ ମୀନା ମୁରଲୀ ଚିନ୍ତାର କାରଣ ଜାଣି ତାକୁ ଖୁସି କରାଉଛି। ୟୁନିସେଫ ‘ମୀନା’ ଅଡିଓ ସିରିଜରେ ‘ଭାରି ଖୁସି ଲାଗୁଛ ତ!’ ଅଧ୍ୟାୟରେ ବାର୍ତ୍ତା ଦିଆଯାଇଛି ଯେ, ସୁଖ କିମ୍ବା ଦୁଃଖ ଅନ୍ୟ ସହ ବାଣ୍ଟିଲେ ଖୁସି ମିଳିଥାଏ।
-
13 Sep 2020 · 14 min
Marriage Dupatta
ଯଦି ଆମେ ଆମ କାର୍ଯ୍ୟ ଏକ ତାଲିକା ପ୍ରସ୍ତୁତ କରିବା, ତେବେ ସେହି କାର୍ଯ୍ୟକୁ ଠିକ୍ ସମୟରେ ପୁରଣ କରିପାରିବା। କେଉଁ କାମ ପ୍ରଥମେ କରିବ ଏବଂ କେଉଁ କାମ କିଛି ସମୟ ପରେ କରିବ, ସବୁ କାମର ଏକ ସମୟ ନିର୍ଦ୍ଧାରଣ କରିବା ଉଚିତ। ସମୟର ହିସାବ ରଖି ଯୋଜନା ପ୍ରସ୍ତୁତ କଲେ କାମ ଠିକ୍ ସମୟରେ ସରିଯିବ। ମୀନା ଅଡିଓ ସିରିଜର ଏହି ଅଧ୍ୟାୟରେ ସବୁ କାମ ପାଇଁ ସମୟ ନିର୍ଦ୍ଧାରଣ କରିବାକୁ ପରାମର୍ଶ ଦିଆଯାଇଛି।
-
26 Aug 2020 · 14 min
Mother's Bangles
ଭିଟାମିନ୍ ଏ ଯୁକ୍ତ ଖାଦ୍ୟ ଯେପରିକି ସବୁଜ ପନିପରିବା, ଫଳମୂଳ, ପାଳଙ୍ଗ, ଅଣ୍ଡା, ଗାଜର, କ୍ଷୀର ଓ ଅମୃତଭଣ୍ଡା ଭଳି ଖାଦ୍ୟ ଖାଇବା ଦ୍ୱାରା ଶରୀରକୁ ଉପଯୁକ୍ତ ପରିମାଣର ପୋଷକ ତତ୍ତ୍ୱ ମିଳିଥାଏ। ଏହା ଆମ ଦୃଷ୍ଟି ଶକ୍ତିକୁ ପ୍ରଖର ମଧ୍ୟ କରିଥାଏ। ୟୁନିସେଫ୍ ‘ମୀନା’ ଅଡିଓ ସିରିଜ୍ର ‘ମାଆଙ୍କ ଚୁଡ଼ି’ ଅଧ୍ୟାୟରେ ସୁସ୍ଥ ଆଖି ଓ ଶରୀର ପାଇଁ ସବୁଜ ପନିପରିବାର ଗୁରୁତ୍ଵ ଉପରେ ସମାଜକୁ ବାର୍ତ୍ତା ଦିଆଯାଇଛି।
-
26 Aug 2020 · 14 min
The Ghost
ସୁସ୍ଥ ଓ ମଜବୁତ ହାଡ଼ ସବୁବେଳେ ପୁଷ୍ଟିକର ଖାଦ୍ୟରୁ ମିଳିଥାଏ। ହାଡ଼କୁ ସୁସ୍ଥ ରଖିବା ପାଇଁ ସନ୍ତୁଳିତ ଖାଦ୍ୟ, ଯେଉଁଥିରେ ପର୍ଯ୍ୟାପ୍ତ ପରିମାଣର କ୍ୟାଲସିୟମ୍, ଭିଟାମିନ୍ ଡି ଓ ଅନ୍ୟାନ୍ୟ ପୋଷକ ତତ୍ୱ ଅନ୍ତର୍ଭୁକ୍ତ। ଏହା ଆମ ଶରୀରକୁ ଶକ୍ତି ଯୋଗାଇବା ସହ ଆମ ହାଡ଼କୁ ମଜଭୁତ କରିଥାଏ। ଫଳରେ ଶାରୀରିକ ଓ ମାନସିକ ବିକାଶ ହୋଇପାରିବ। ତେଣୁ ସୁସ୍ଥ ଶରୀର, ଶକ୍ତ ହାଡ଼ ଲାଗି କ୍ଷୀର ଓ କ୍ଷୀର ଜାତୀୟ ଦ୍ରବ୍ୟ ଖାଇବା ଜରୁରୀ। ୟୁନିସେଫ୍ ‘ମୀନା’ ଅଡିଓ ସିରିଜ୍ର ‘ଘରର ଭୂତ’ ଅଧ୍ୟାୟରେ ସୁସ୍ଥ ଶରୀର ପାଇଁ ପୋଷଣର ଆବଶ୍ୟକତା ଉପରେ ସମାଜକୁ ବାର୍ତ୍ତା ଦିଆଯାଇଛି।
-
26 Aug 2020 · 14 min
What did you eat at night?
ଦାନ୍ତର ସଠିକ୍ ଭାବେ ଯତ୍ନ ନ ନେଲେ ଦାନ୍ତ ପୋକ ଖାଇବାଠାରୁ ଆରମ୍ଭ କରି ଦାନ୍ତରୁ ରକ୍ତ ବାହାରିବା ଓ ଦୁର୍ଗନ୍ଧ ହେବା ଭଳି ସମସ୍ୟା ଉପୁଜିଥାଏ। ତେଣୁ, ଖାଇ ସାରିବା ପରେ ଦାନ୍ତ ଘଷିବା ନିହାତି ଜରୁରୀ। ଦିନକୁ ଅତି କମରେ ଦୁଇଥର ଦାନ୍ତ ସଫା କରିବା ଆବଶ୍ୟକ। ଉତ୍ତମ ସ୍ୱାସ୍ଥ୍ୟ ହିଁ ଆମ ସମ୍ପତ୍ତି। ୟୁନିସେଫ୍ ‘ମୀନା’ ଅଡିଓ ସିରିଜ୍ର ଏହି ଅଧ୍ୟାୟରେ ଦାନ୍ତର ଯତ୍ନ ଉପରେ ଗୁରୁତ୍ଵ ଦିଆଯାଇଛି।
-
26 Aug 2020 · 14 min
Let's Do This
ସଠିକ ପୋଷଣ ଶରୀରକୁ ସନ୍ତୁଳିତ ରଖେ ଏବଂ ବିଭିନ୍ନ ରୋଗ କବଳରୁ ରକ୍ଷା କରିଥାଏ। ସବୁପ୍ରକାର ଖାଦ୍ୟରୁ ବିଭିନ୍ନ ପୋଷଣ ମିଳିଥାଏ ଯାହା ଶରୀରକୁ ସୁସ୍ଥ ଓ ନିରୋଗ ରଖେ। ଉପଯୁକ୍ତ ପୋଷଣ ନ ପାଇଲେ ଶରୀରର ରୋଗ ପ୍ରତିରୋଧକ ଶକ୍ତି ହ୍ରାସ ହୋଇଯାଏ। ଫଳରେ ଆମେ ଅନେକ ରୋଗରେ ପଡ଼ିଥାଉ। ତେଣୁ ବିଭିନ୍ନ ସଂକ୍ରମଣରୁ ରକ୍ଷା ପାଇବାକୁ ହେଲେ ପୋଷଣଯୁକ୍ତ ଖାଦ୍ୟ ଖାଇବା ଉଚିତ। ୟୁନିସେଫ ‘ମୀନା’ ଅଡିଓ ସିରିଜରେ ‘ଚାଲ ଏମିତି କରିବା’ ଅଧ୍ୟାୟରେ ସଠିକ ପୋଷଣଯୁକ୍ତ ଖାଦ୍ୟ ଖାଇବା ଉପରେ ଗୁରୁତ୍ଵ ଦିଆଯାଇଛି।
-
26 Aug 2020 · 14 min
Lalaji's Feast
ହାତ ପରିଷ୍କାର ରହିଲେ ରୋଗ ଜୀବାଣୁ ଶରୀରକୁ ଯାଇପାରେ ନାହିଁ। ଖାଇବା ପୂର୍ବରୁ ଏବଂ ପରେ, ଶୌଚ ହେବା ପରେ ହାତକୁ ସାବୁନରେ ଭଲ କରି ଖୋଇବା ଦରକାର। ଏହା ଆମ ଶରୀରକୁ ଅନେକ ରୋଗ ଜୀବାଣୁଠାରୁ ରକ୍ଷା ଦେଇଥାଏ। ହେଲେ ଆଜି ବି ଗାଁ ଗହଳୀରେ ପାଉଁଶ, ମାଟି ଏବଂ ଅନ୍ୟାନ୍ୟ ଜିନିଷର ବ୍ୟବହାର କରୁଥିବା ଦେଖିବାକୁ ମିଳୁଛି। ଏହା ଦ୍ୱାରା ହାତ ସଫା ହୁଏନାହିଁ। ଫଳରେ ରୋଗ ଜୀବାଣୁ ପେଟ ଭିତରକୁ ଯାଇ ବିଭିନ୍ନ ସଂକ୍ରମଣ ସହ ରୋଗ ସୃଷ୍ଟି କରିଥାଆନ୍ତି। ୟୁନିସେଫ ‘ମୀନା’ ଅଡିଓ ସିରିଜରେ ‘ଲାଲାଜୀଙ୍କ ଭୋଜି’ ଅଧ୍ୟାୟରେ ସାବୁନରେ ହାତ ଧୋଇବା ଉପରେ ଗୁରୁତ୍ଵ ଦିଆଯାଇଛି।
-
25 Aug 2020 · 14 min
Tara's son
କମ ବୟସରୁ ଉଭୟ ଝିଅ ଏବଂ ପୁଅକୁ ବାହାଘର କରାଇବା ଅନୁଚିତ। ଝିଅମାନଙ୍କର ୧୮ ବର୍ଷ ଏବଂ ପୁଅମାନଙ୍କର ୨୧ବର୍ଷ ପୂର୍ବରୁ ଶାରୀରିକ ଏବଂ ମାନସିକ ଅଭିବୃଦ୍ଧି ହୋଇନଥାଏ। ସେମାନେ ଘରସଂସାର ଚଳାଇବା ପାଇଁ ଉପଯୁକ୍ତ ହୋଇନଥାନ୍ତି। ୟୁନିସେଫ ‘ମୀନା’ ଅଡିଓ ସିରିଜରେ ‘ତାରାର ପୁଅଦେଖା’ ଅଧ୍ୟାୟରେ ବାଲ୍ୟ ବିବାହ ଠିକ ନୁହେଁ ବୋଲି ସମାଜକୁ ବାର୍ତ୍ତା ଦିଆଯାଇଛି।
Take it with you
The Melo app keeps playing with the screen off, works in the car and on your watch, wakes you to your station, and browses the whole catalogue offline. Free, no ads, no account.
