Episode notes
我哋返嚟喇！🎊🥳 好耐冇見！sorry知大家等咗我哋好耐🙏 今集係我哋強勢回歸後嘅第一次嘅錄音，就講一單聽眾提案啦😝（多謝提案！） 高雄曾經發生過一單離奇命案，個女突然間喺屋企過身😰佢嘅屋企人事後失咗蹤幾日不突止，仲話佢哋全家都被鬼上身，呢一個月以來淨係食屎+飲符水🤯🤯🤯 呢單案之後仲被改拍成電影《咒》，票房破億！ 我就覺得呢單案最離奇嘅，係竟然冇人需要為受害者嘅死而負責。。。簡直係難以置信。。。🫠
Podcast
殺人魔MORE查
阿珍 & 阿崔 · True Crime · Chinese
廣東話Podcast，講吓連環殺人犯、奇怪案件、未解之謎..... 我哋係兩個對true crime 題材有興趣嘅女仔，想喺度輕鬆講吓唔同案件~ 新手上路，希望大家俾多啲意見，等我哋做得愈來愈好！ 逢星期日更新，陪你迎接星期一，多多指教☺️ 非專業學術討論，切勿過分認真 🍻Support us with a beer: buymeacoffee.com/skmmc 📩Social Handles: linktr.ee/skmoremorecha
More from 殺人魔MORE查 All episodes →
-
S8 · E1 · 19 Aug 2024 · 1 hr 23 min
#110 美國小丑殺手 Killer Clown - John Wayne Gacy
終於打大佬，嚟到美國系列🇺🇸打頭陣為大家帶嚟Killer Clown🤡今集真係幾長，有諗過分開兩集，但係又唔想吊大家癮😂 今集主角係1970年代被稱為美國最WORST嘅連環殺人犯，日頭嘅佢係一個成功商人，係一個熱心公益嘅小丑，一到夜晚就變身連環殺人犯，佢用六年殺害咗33個年輕男仔，仲將大部份埋咗喺自己屋企地下..🥶 點解一直有人失蹤，但係警方都一次又一次咁放走有案底嘅John..? 身型肥胖嘅佢又係用咩方法可以殺害咁多人，甚至包括海軍陸戰隊嘅成員？😱 又係咩原因，佢要Target一班年輕男仔呢？係咩令到佢咁討厭後生仔？ 敬請細心聆聽新一集🎧
-
28 Jul 2024 · 59 min
#109 好耐無同大家傾偈 - 阿珍阿崔
好耐無同大家傾偈！今集一於同大家傾足一粒鐘！👯♀️🗣️💬 （本集內容已經得到珍姐男朋友審批同意播出） （No human feeling was harmed in the making of this episode）😂 特別鳴謝今集嘅sponsor： HKU SPACE 大家如果對佢嘅Certificate of Legal Studies有興趣嘅話，就去佢哋website睇吓啦！ https://hkuspace.hku.hk/cht/collection/applycls
-
S7 · E16 · 14 Jul 2024 · 51 min
#108 喺台灣消失嘅日本旅客｜井口真理子命案 - 劉學強
日本女大學生獨遊台灣後失蹤，警方查來查去都鎖定唔到嫌疑人，搵唔到受害人遺骸，令台灣旅遊業大受打擊…😔 受害人家屬前前後後去咗台灣幾次，都一直冇好消息，警方除咗搵唔到有用嘅線索，仲差啲冤枉好人，令一個無辜嘅平民被台灣日本兩地嘅傳媒追擊🥲 好不容易搵到真兇，佢嘅口供不停帶警方遊花園，令警方浪費咗好多人力物力，先可以還原作案過程，但是兇手口中嘅動機，極度匪夷所思😶🌫️ 到底佢係真傻？定係扮懵？佢真實嘅犯案動機又係咩呢？聽完新一集同我哋討論吓啦！
-
S7 · E18 · 10 Jul 2024 · 48 min
#107 台灣ATM離奇嘔錢劫款案 - 國際犯罪集團Cobalt
本身阿珍講呢單案，係諗住俾台灣警察威返一次，點知事情唔係我想像咁發展😳台灣警察引以為傲嘅一單cybercrime，最後都係俾崔姐笑到面黃！😂😂😂 今集就係講台灣ATM離奇嘔錢劫款案🏧 國際犯罪集團Cobalt遠飛台灣，喺第一銀行（簡稱一銀）嘅ATM度偷走大約8,327萬台幣💸😨 台灣警察同劫匪從此就陷入一個貓捉老鼠嘅遊戲💨 點知最後三個劫匪都係敗喺台灣嘅美食之下！睇嚟我都係時候飛返轉台灣了！（？？） P.S. 我哋最聰明嘅崔姐今集錄音唔記得教input，插咗個咪，但最後用咗macbook嚟收音🤡所以把聲怪怪地，請見諒🫱🏻🫲🏽
-
S7 · E17 · 29 Jun 2024 · 51 min
#106 台灣仙女班淫邪教主｜五教共主 - 徐少龍（徐浩城）
今集要同大家分享一個極度嘔心嘅邪教，除咗係《周處除三害》尊者嘅角色原型之外，佢仲被稱為台版攝理教，集齊咗唔少邪教會出現嘅元素… 其貌不揚嘅教主到底點解可以建立一個咁龐大嘅邪教王國，除咗有成千上萬嘅信徒，仲有超級嘔心嘅「仙女班」，信徒會想將自己嘅女女送入去仙女班，被洗腦嘅程度完全冇辦法想像… 除咗騙財騙色，佢都搞唔少花臣，又要出唱片，又要創立政黨，完全係時間管理大師。由1980年代開始去到2020年先正式被揭發，點解徐少龍可以咁多年都唔俾人發現，最後又因為咩事而令邪教成功被瓦解呢？ 快啲嚟聽吓呢一集啦💕
-
S7 · E15 · 14 May 2024 · 39 min
#104 台灣「疑似」人肉羊腩煲｜殺人分屍案 - 張瀟漢
一個失蹤男子七年來不停報夢畀同一個女人，到底佢哋係咩關係？🥶 呢個女人最終承受唔住心理壓力，令一宗七年前嘅案件得以被揭發！ 羊腩煲店老闆點解要謀害自己嘅熟客，去到最後仲想殺埋自己女朋友？案件調查難關重重，受害人身份未明，唔完整嘅證據鏈，缺失咗關鍵線索，係咩令到警方可以一個又一個謎團咁解開，最後令到兇手成功入罪？ 快啲聽吓新一集啦！為咗補償遲咗咁多出，特登將一啲蝦碌片段留番低🤣
-
S7 · E14 · 29 Apr 2024 · 51 min
#103 台灣邪教日月明功虐死案 - 陳巧明
今集講台灣邪教 —— 「日月明功」女教主陳巧明虐死高中生事件！ 一個18歲、有大好前途嘅後生仔被送往急症室，喺到院前已經冇生命跡象，身上更加係傷痕纍纍😞😞 媽媽話仔仔吸毒過量致死，家姐就堅持細佬係被「日月明功」害死嘅！ 信徒會尊稱教主做Sunshine、望住女教主陳巧明當眾掌摑、圍毆人、暴力恐嚇其他信徒……😰一個舞蹈教室係點樣一步步變成邪教組織？ 想知就快啲聽吓新一集啦🎙️💬
-
S7 · E13 · 21 Apr 2024 · 36 min
#102 台中保險員連環失蹤｜食人魔姦殺案 - 陳金火及廣德強
第102集又係保險？！唔好走住！今次唔係講呃保險，而係保險從業員連環失蹤案🥶🥶 1991年，2003年都相繼有女仔喺同一間車房附近失蹤，都係去搵車房老闆傾保險之後唔見咗... 1991年嗰單不了了之，成為懸案😭2003年呢一單有冇機會破案？每個人都知車房老闆嫌疑極重，奈何又搵唔到屍體，兇器.... 因為頭號嫌疑人好呆，十問九唔應，令到調查進度好慢。輾轉咁搵到屍體，但又發現只係得骨，遺體嘅肉已被削走？！唔見咗肉塊，探員終於發現眼前呢個陳金火係一個食人魔… 🥶 到底佢講嘅嘢有幾多係真？有幾多係為咗混淆視線？快啲聽吓呢一集啦！ 記得聽到最尾，有特別嘉賓🐱
-
S7 · E12 · 15 Apr 2024 · 48 min
#101 五福旅社五死命案 - 王騰輝、施東寶及許慶芳
今集嘅案件係台灣五福旅社五死命案💀🏨 妓女發現屍體後報案，警察到場之後發現案情並唔係咁簡單！🤯 五位死者都有唔同嘅身份背景，包括旅社老闆夫婦、旅社住客、旅社職員、同埋一位妓女😳 案發當晚旅社入面仲有其他住客，但係佢哋竟然可以一啲事都冇😨仲要根本唔知發生咗命案！ 究竟發生咗咩事？犯案動機又係咩？快啲趁熱聽🎙️💬
-
S7 · E11 · 25 Mar 2024 · 54 min
#100 小燈泡事件｜內湖隨機殺人案 - 王景玉
1️⃣0️⃣0️⃣✅ 100集嘅案件為大家帶來台灣民眾一個集體傷口....小燈泡事件💡🥺 思覺失調患者王景玉當街用剁骨刀砍殺女童小燈泡，令佢身首異處。案情雖然唔複雜，但後續發生嘅事令唔少人重新思考台灣對受害者同精神病患者嘅支援... 😢😢 當日朝早發生咗唔少巧合，好似係冥冥之中注定佢哋一家人要面對呢件事。王景玉點解會一步步變成嚴重患者？佢嘅屋企，佢嘅人生又係點嘅呢？ 令珍姐最嬲嘅竟然唔係兇手，而係...??? 案件中有唔少關於台灣司法值得討論嘅問題，希望唔會悶親大家〜 P.S. 錄到中間電腦太熱有啲wewe聲，請見諒🥹🙏🏻 P.S. 8:44 講錯咗「陳婉諭」，應該係「王婉諭」 最後，多謝大家兩年多嘅支持🫶🏻冇你哋，絕對唔會有100集😂❤️
Take it with you
The Melo app keeps playing with the screen off, works in the car and on your watch, wakes you to your station, and browses the whole catalogue offline. Free, no ads, no account.
