Podcast · Arts & Books
by 彭桓恩,Rti · Chinese · Arts & Books
隨著媒體分眾化，資訊爆炸、各自沉浸在同溫層中、真正的溝通愈來愈困難，【有料、無料，共下坐尞】希望透過有料的嚴肅時事、無料的輕鬆話題，談青年觀點、社群經營，也談不同觀點之間的碰撞，結合日常生活、時事趨勢與重要議題，讓聽友輕鬆跨越舒適圈，思考這些議題對生活的影響。 ☆聽友來信 ☀Facebook▸ 央廣臺灣客語粉絲團 ☀Instagram▸彭桓恩 ☀聽眾信箱▸ [email protected] ☀郵寄地址▸ 台灣104237 台北市中山區北安路55號 中央廣播電臺 客語節目 ☀微信WeChat▸ rti0228856168（北安小姐姐）
11 Oct 2026
受訪者：林義妹/新竹客語演講會會長 💡受訪者與本集主題介紹： 今晡日《有料無料共下坐尞》邀請新竹客語演講會林義妹會長來分摎大家打嘴鼓，分享新竹客語演講會个故事摎活動。到底都係麼人來參加演講會呢？聽講演講个主題都非常生趣！除忒演講會个部分，林會長乜分享自家个客家經驗，愛仰般分後生人對客家有興趣呢？當多爺哀驚怕學客話會影響細人仔个英文能力，有影無？遽遽來聽這集《有料無料共下坐尞》！ 👂本集節目重點： ➢新竹客語演講會个介紹！流程係麼个？有哪兜主題呢？ ➢林會長來分享愛仰般分後生人對客話學習有興趣 ➢學客話毋會影響英文學習，顛倒有幫助！？ 學兜仔客家話 & 延伸思考 「當多人會將驚講學客話過後，會影響細人仔學英文个能力，毋過其實客話裡肚个發音、入聲，對學習其他語言當有幫助！你有發現哪兜相像个所在無？」
S1 · E149 · 4 Oct 2026
受訪者：陳貴生/新竹客家人 💡受訪者與本集主題介紹： 今晡日《有料無料共下坐尞》邀請新竹客家人陳貴生先生來分享自家个客家經驗。陳先生佢係在苗栗公館出世，到讀書之前徙到新竹尖石。當特別个係，陳先生在國小、國中个時節，其實無受著「國語政策」个嚴重影響，雖然上課个時節都係用華語，毋過平常摎先生、同學打嘴鼓，講客通盤無問題！陳先生也分享到這下，都還有國小同學會个故事，還有佢開始食頭路个經驗～遽遽來聽這集《有料無料共下坐尞》！ 👂本集節目重點： ➢教會个幼稚園係仰般形个？講國語政策前个學習經驗 ➢屋下講四縣、隔壁鄰舍講海陸，愛仰般學習呢？ ➢對客家後生人个鼓勵摎建議！ 學兜仔客家話 & 延伸思考 「大家有閒个時節，做得去尋長輩打嘴鼓，請佢兜分享自家个生命經驗，乜做得對佢兜个故事學著盡多哦～」
S1 · E148 · 27 Sep 2026
受訪者：黎維田/新竹市客家民謠研究會理事長 💡受訪者與本集主題介紹： 今晡日《有料無料共下坐尞》愛出外景到新竹市哩呦！這擺，桓恩特別去訪問新竹市客家民謠研究會个黎維田理事長，請佢摎聽眾朋友分享客家民謠生趣个所在，還有社區課程个內容、上課方式愛仰般進行。節目當中，乜有佢兜演唱个聲音，桓恩在現場看乜試著當精彩！除忒歌曲之外，黎理事長也講著對客家傳承个想法，最尾還係一句「講就著咧！」～遽遽來聽這集《有料無料共下坐尞》！ 👂本集節目重點： ➢新竹市客家民謠研究會在做麼个？聽講當多人參加！ ➢特別个外景有特別个現場表演！共下來聽客家歌～ ➢對理事長个角度來看，愛仰般分「細人仔」曉得講客呢？ 學兜仔客家話 & 延伸思考 「在你戴个縣市、社區、各所在敢有客家相關个課程呢？大部分會去參加个人都係為著麼个呢？係正經有生趣，還係愛去交朋友？歡迎在下背留言分享哦～」
S1 · E147 · 20 Sep 2026
受訪者：賴姵臻、陳方柔 💡受訪者與本集主題介紹： 今晡日《有料無料共下坐尞》邀請著正對雲科大文資系畢業个兩位客家後生人：姵臻、方柔共下來打嘴鼓，分享佢兜在大學期間用專題个形式做客話Podcast个經驗，也分享對「做客家」裡肚理解、體會个事情。雖然這下盡多後生人對客家、本土意識無麼个了解摎興趣，毋過聽姵臻同方柔兩儕講，就會發現當像有新个可能性！遽遽來聽這集《有料無料共下坐尞》！ 👂本集節目重點： ➢後生人、大學生仰般來做客話Podcast？ ➢文化資產維護系到底在做麼个？敢講愛當會做「手工」正做得？ ➢對客家个未來悲觀，但係還係有一息仔「復興个希望」！ 學兜仔客家話 & 延伸思考 「係講今晡日毋係為著『頭路、作業、比賽』愛來做客家，愛仰般繼續在自家个日常生活裡肚來行客家路？單淨講客話有罅無？歡迎在下背留言分享哦～」
S1 · E146 · 13 Sep 2026
受訪者：翼友福 / 台灣大學社會系學生 💡受訪者與本集主題介紹： 今晡日《有料無料共下坐尞》邀請著摎桓恩共樣，都係2005到2006年出世个客家人友福來打嘴鼓，共下討論「童年个回憶」。這幾年來開始流行个Y2K風潮係麼个呢？做麼个以前个流行語、CCD、戰鬥陀螺又轉來到大家个目珠前呢？友福同桓恩乜分享細細時節當好看个電視卡通，原來這兜卡通都係本土語言配音个作品！？最尾，友福也分享佢對客話復振个想法～遽遽來聽這集《有料無料共下坐尞》！ 👂本集節目重點： ➢321~go~shoot！ 戰鬥陀螺摎死語復興運動！？ ➢本土語言配音个卡通作品有哪兜？對客話復振个好處！ ➢年輕世代个語言流失愛仰結煞呢？來聽友福分享～ 學兜仔客家話 & 延伸思考 「大家細細時節都看麼个、搞麼个呢？做麼个這下Y2K恁時行？在你心肝肚，麼个正做得代表Y2K？敢做得結合這種復古流行來做語言復振呢？歡迎在下背留言分享哦～」
S1 · E145 · 6 Sep 2026
受訪者：黃品綺 / 頭份客家人 💡受訪者與本集主題介紹： 今晡日《有料無料共下坐尞》愛來討論後生人看戀愛綜藝个觀後感，邀請頭份个客家人品綺來分享佢在看忒韓國个《單身即地獄》摎日本个《不良一族尋愛記》兩齣節目个想法。到底戀愛綜藝會教分觀眾哪兜事情呢？係價值觀个衝突？還係對自家理想型个反思呢。當多人會認為講這兜「實境秀」都係有劇本个，桓恩同品綺又係仰般想个呢？社群網路頂恁多个心得討論乜會有影響！遽遽來聽這集《有料無料共下坐尞》！ 👂本集節目重點： ➢看戀愛綜藝節目个時節係注重麼个？透過節目輸出文化亦生趣！ ➢討論《單身即地獄》摎《不良一族尋愛記》个形式摎故事 ➢節目外个社會觀察：做麼个會有人攻擊節目出演者？ 學兜仔客家話 & 延伸思考 「最尾桓恩摎品綺有講著當多觀眾在看忒戀愛綜藝節目過後，會去尋演出者个社群媒體來留言鼓勵、批評，這對出演者會有麼个影響呢？愛仰般做一位好觀眾？歡迎在下背留言共下討論喔～」
S1 · E144 · 30 Aug 2026
受訪者：廖柏勳 / 頭份客家人 💡受訪者與本集主題介紹： 今晡日《有料無料共下坐尞》邀請頭份个客家人柏勳來分享自家个客家農村經驗，還有家族个香茅油事業。柏勳算係客話个母語者，從細摎阿公、屋下人全全講客，到入城讀書正變華語，柏勳對語言環境有哪兜想法呢？續下來，佢乜分享廖家以前做香茅油个輝煌故事，還有生趣个雞嬤蟲產業鏈？原來柏勳還細个時節就曉得做生理！？遽遽來聽這集《有料無料共下坐尞》！ 👂本集節目重點： ➢語言環境个變化，客家對柏勳來講係麼个呢？ ➢頭擺廖家係台灣香茅油个龍頭！（香茅油界个台積電） ➢雞嬤蟲个發現同產業鏈，到底愛仰般賺錢呢？ 學兜仔客家話 & 延伸思考 「柏勳今晡日分享个故事堵好都摎『投資』有相關，聽眾朋友有哪兜記憶係同做生理、投資有相關个呢？歡迎在下背分享你个故事～」
S1 · E143 · 23 Aug 2026
受訪者：廖家儀 / 稀有詔安人 💡受訪者與本集主題介紹： 今晡日《有料無料共下坐尞》邀請到雲林个客家人家儀來打嘴鼓，分享詔安个客話摎文化！在前半段个「客事（kaˊ su）小教室」單元，家儀有做詔安客事个教學，介紹基本个客事分大家知。續下來，乜有講到語言覺醒个經驗、生廖死張个故事。最尾也有摎聽眾朋友分享雲林開口獅、布袋戲个文化～遽遽來聽這集《有料無料共下坐尞》！ 👂本集節目重點： ➢客事小教室！來學兜仔詔安客事个基本詞彙 ➢百年後會變成「張」家儀！？詔安客个生廖死張故事 ➢講詔安客家个文化傳承，聽講國小朝晨愛打武術（？） 學兜仔客家話 & 延伸思考 「係講屋下人原本都摎自家講華語，有一日，忽然間想愛講轉自家个母語，愛仰般𨃰過這語言轉換無習慣个時期呢？歡迎留言分享你个看法～ 」
S1 · E142 · 16 Aug 2026
受訪者：李姍珊 / 冷そば推廣大使 💡受訪者與本集主題介紹： 今晡日《有料無料共下坐尞》愛渡大家來去日本尞！邀請新竹个客家人姍珊來分享佢个經驗～這擺姍珊紹介佢去福岡看著、食著个東西，還有在日本剪頭那毛个生趣故事！聽講福岡有名个「甘王草莓」（あまおう） 有特別个意思？姍珊去到日本定著愛食「冷蕎麥麵」，敢係有特別个味緒？最尾，佢乜分享堵著青森阿公，共下用日本話還有比手畫腳共下打嘴鼓个故事。遽遽來聽這集《有料無料共下坐尞》！ 👂本集節目重點： ➢國外旅遊愛仰般規劃？看短影片、Reels 乜算一種規劃（？） ➢在日本剪頭腦毛還做得選打嘴鼓个方式！？福岡草莓特別个意思 ➢日語學習當重要！學咧就愛練習！（也愛學客話哦～） 學兜仔客家話 & 延伸思考 「你去日本還係其他國家尞个時節，有堵著麼个生趣个故事無？歡迎在下背留言分享哦～」
S1 · E141 · 9 Aug 2026
受訪者：邱于玹 / 在熱愛裡持續前進的學生 💡受訪者與本集主題介紹： 今晡日《有料無料共下坐尞》邀請後生人邱于玹來打嘴鼓！講客講著當湛斗个于玹還係高中生定定，就對自家个未來當有理想摎目標。佢分享頭擺比客話比賽个經驗，還有阿公个話。到底係麼个原因分佢對客話恁有生趣，甚至未來會想愛做客話頭路呢？續下來，于玹乜分享後生人看客家个角度，講佢未來會仰般結合客家摎專業，分更加多个人了解客家。遽遽來聽這集《有料無料共下坐尞》！ 👂本集節目重點： ➢學校裡肚个客語課有哪兜特色？仰般影響著于玹對客家个夢想？ ➢後生人个客家多重宇宙：比賽、傳播全全有！ ➢這下个後生人愛仰仔去了解客家、學客話？講未來个客家路 學兜仔客家話 & 延伸思考 「愛仰般摎客話結合專業，在生活、頭路裡背實踐客家？後生人做客家相關頭路个優勢係麼个？歡迎留言分享你个想法！」
S1 · E140 · 2 Aug 2026
受訪者：王沁慈、符敦義 / 來台留學的馬來西亞人 💡受訪者與本集主題介紹： 今天邀請來台留學的馬來西亞朋友：沁慈、敦義來和大家打嘴鼓！分享馬來西亞的語言環境、在台生活與文化衝擊。首先，沁慈、敦義與桓恩聊到馬來西亞的多語環境，除了馬來文、中文等語言外，也有客家話、福建話、廣東話等！究竟沁慈與敦義會說哪些語言呢？此外，台灣作為世界的客語、台語主舞台，沁慈也分享小時候看台灣戲劇的經驗！在台灣，很多人會將馬來西亞人、馬來人、馬來西亞華人搞混，敦義與沁慈今天也和聽眾朋友解釋三者的差別。最後也有文化衝擊的分享！遽遽來聽這集《有料無料共下坐尞》！ 👂本集節目重點： ➢馬來西亞人愛仰般切換語言，講生活中个多語使用 ➢無共樣！馬來西亞人、馬來西亞華人、馬來人个解說 ➢來台灣之前个想像摎真實个留學生活，有哪兜文化衝擊？你个 ice cream 摎𠊎無共樣！？ 學兜仔客家話 & 延伸思考 「你對馬來西亞有麼个了解？台灣頭擺乜係多語環境，愛仰般來復振這兜本土語言呢？歡迎留言分享你个想法！」
S1 · E139 · 26 Jul 2026
受訪者：鄭得壽 / 燈光師 💡受訪者與本集主題介紹： 上禮拜燈光師（電火師）鄭得壽有來到《有料無料共下坐尞》分享佢个故事。今晡日愛繼續同得壽哥討論議題，對影視工作者个角度來看客家！得壽哥頭擺識做過客家電視台戲劇个燈光師，客語劇摎其他个戲劇有哪兜爭差，燈光師會特別注意麼个呢？當多人盡好透過聽音樂、看戲劇來學語言，對影視人員來講，本土語言个節目同戲劇對語言傳承有哪兜幫助呢？除忒「聽客話」，戲劇還做得仰仔來復振客話、推廣客家文化呢？遽遽來聽這集《有料無料共下坐尞》！ 👂本集節目重點： ➢做客家戲劇个燈光師有麼个故事，愛仰般用電火營造氛圍？ ➢原來國際無燈光獎？講燈光師摎攝影師个配合 ➢愛仰般用現代个影視美學同技術，打爛/翻轉頭過對客家个刻板印象？ ➢得壽哥分想愛做影視頭路个人个建議，原來係愛多____！？ 學兜仔客家話 & 延伸思考 「你有看過麼个客家戲劇、電影無？除忒影視作品，還有哪兜方式做得來復振客話？歡迎留言分享你个想法！」
S1 · E138 · 19 Jul 2026
受訪者：鄭得壽 / 燈光師 💡受訪者與本集主題介紹： 今晡日邀請燈光師（電火師）鄭得壽來到《有料無料共下坐尞》分享佢个故事。得壽哥係台中東勢个客人，大學讀个係台藝大戲劇系。台灣當多大學都有戲劇系，毋過逐間學校注重个面向都無共樣，得壽哥又係做麼个會做電影个電火師呢？電火師个工作內容無恁該！同攝影師係麼个關係？愛仰般共下做事呢？戲劇系个培養敢對電火頭路有幫助？最尾，得壽哥乜分享自家頭擺个作品！遽遽來聽這集《有料無料共下坐尞》！ 👂本集節目重點： ➢對東勢到台北个客家路，講語言環境、生活裡肚个客家 ➢燈光師个工作內容，愛仰般同攝影師配合？ ➢分享對戲劇系到燈光師个轉換故事 學兜仔客家話 & 延伸思考 「你看電影、戲劇个時節，會特別注意麼个部分呢？你試著燈光會仰仔影響著觀眾个感受？歡迎留言分享你个想法！」
S1 · E137 · 12 Jul 2026
受訪者：育仁 / 自媒體創作者 💡受訪者與本集主題介紹： 上禮拜，自媒體創作者育仁來到《有料無料共下坐尞》摎大家打嘴鼓，分享佢做「台灣人不知道的台灣史」短影片个故事。今晡日个節目斯愛同聽眾好朋友分享，大學生摎後生人愛仰般在生活裡肚關注轉型正義哩呦！當多人會話著轉型正義係政府還係特定組織个專利，毋過其實有當多相關活動分大家去參加！育仁乜分享佢頭過參加台師大黎明破曉前活動个心得，麼个係「四六事件」呢？摎白色恐怖有麼个關係？這下還有哪兜威權時期个象徵呢？歡迎大家來聽育仁分享，遽遽來聽這集《有料無料共下坐尞》！ 👂本集節目重點： ➢摎轉型正義相關个活動！大家做得去了解看啊 ➢「四六事件」係麼个？摎台師大、台大有麼个關係？ ➢民主化過後个台灣原來還有威權象徵！？ 學兜仔客家話 & 延伸思考 「有人講轉型正義就係在該『撕裂族群』，敢正經係恁樣？白色恐怖有哪兜分人消失个客家菁英？歡迎留言分享你个故事摎想法！」
S1 · E136 · 5 Jul 2026
受訪者：育仁 / 自媒體創作者 💡受訪者與本集主題介紹： 本集邀請自媒體創作者育仁來到《有料無料共下坐尞》和大家打嘴鼓，分享製作「台灣人不知道的台灣史」短影音的故事。台灣史面向多元，育仁的影片主題涵蓋威權史、轉型正義等議題，為何特別製作這類主題呢？台灣史普及的重要性為何？從今年開始，網路上有許多人在討論台灣史補課潮，為何我們需要「補課」？此外，育仁也和桓恩分享面對酸民時的態度與想法，最後也和聽眾朋友們推薦其他資源，能更深入了解台灣史與轉型正義！遽遽來聽這集《有料無料共下坐尞》！ 👂本集節目重點： ➢「台灣人不知道的台灣史」到底有哪兜內容呢？仰般去決定愛做麼个主題？ ➢原來頭擺个教育無台灣史，討論台灣史補課潮个影響 ➢轉型正義在台灣原來還係爭議言論！？面對無理性个酸民愛仰結煞正好？ ➢育仁摎桓恩推薦个好作品，分你更加了解台灣史！ 學兜仔客家話 & 延伸思考 「你對台灣史个印象係麼个？愛對哪種角度來去了解呢？做麼个在該講轉型正義个時節，就會有人發閼（生氣），試著無重要，係麼个原因來造成呢？歡迎留言分享你个想法！」
S1 · E135 · 28 Jun 2026
受訪者：曾建元 / 臺師大客語學程講師 💡受訪者與本集主題介紹： 大家想著頭擺歷史課學著个客家係麼个？可能係義民信仰、伯公同三山國王？今晡日《有料無料共下坐尞》邀請臺師大「客語與客家文化學分學程」的曾建元先生來打嘴鼓。到底麼个安到「台灣客家史」呢？愛對哪位來講起，對這下台灣社會个重要性係麼个？在先生个課程裡肚，會仰般來去安排課程？係講在高中个選修課，教育現場愛仰般去設計，甚至透過語言去了解歷史？遽遽來聽這集《有料無料共下坐尞》！ 👂本集節目重點： ➢在這下个台灣歷史脈絡下，客家史有麼个重要性？ ➢客家史原來係呈現台灣整體面貌的重要部分！？ ➢客家史个精華同核心，這兜事情定著愛講分大家！ 學兜仔客家話 & 延伸思考 「你知麼个係『台灣客家史』無？對佢有麼个想像？係講你係學生，你會想愛了解仰般形个客家歷史？」
S1 · E134 · 21 Jun 2026
受訪者：江侑臻 / 北市商學生 💡受訪者與本集主題介紹： 今晡日又係後生人來打嘴鼓哩喲！邀請著北市商學生江侑臻來分享自家个客家經驗，還有參加客話朗讀比賽个心得。聽講這下个學生對本土語言課都無麼个興趣，到底愛仰結煞呢？相信各位客家鄉親都會在生活裡背講兜客語詞，像係桓恩有成時講「屙屎屙尿」，大家斯聽毋識，侑臻講佢乜有共樣个經驗！？最尾，也邀請侑臻个爸爸共下來打嘴鼓，分享屋下个語言環境，還有對本土語言未來个看法～遽遽來聽這集《有料無料共下坐尞》！ 👂本集節目重點： ➢分母語變成日常，對屋下到學校 ➢Z世代、高中生仰般關心客家語言同文化 ➢屋下个語言環境對生活有哪兜影響呢？ 學兜仔客家話 & 延伸思考 「雖然本土語言課程毋係『考科』，但係有兜先生上課乜盡生趣，你試著哪種上課方式正做得餳學生个目珠呢？歡迎留言分享你个想法！」
S1 · E133 · 14 Jun 2026
受訪者：呂亭慧 / 臺師大台文系講師 💡受訪者與本集主題介紹： 大家可能對國小个本土語言課還有印象，毋過有兜大學其實乜還有客語課喔！今晡日邀請臺師大台文系个講師：呂亭慧先生來到《有料無料共下坐尞》摎大家打嘴鼓！分享「初級客語」、「台灣客家文化」課程个狀況。到底上課个內容係麼个？愛仰般打分數呢？續下來，亭慧先生乜分享本土語言課程个困難摎挑戰，愛仰般克服語言環境个問題呢？最尾，先生乜分享佢个樂觀心態，客家路會緊行緊闊～遽遽來聽這集《有料無料共下坐尞》！ 👂本集節目重點： ➢國語政策造成語言斷層，這下愛遽遽救轉來 ➢大學裡肚个客話課、客家文化課愛仰般進行呢？分享生趣个課程！ ➢本土語言个課程堵著哪兜問題同挑戰呢？ 學兜仔客家話 & 延伸思考 「你會希望本土語言个先生仰般設計課程？當多學生對客語課無興趣个主要原因係麼个？歡迎留言分享你个想法！」
S1 · E132 · 7 Jun 2026
受訪者：黃宥慈 / 阿婆个乖孫仔 💡受訪者與本集主題介紹： 今晡日《有料無料共下坐尞》邀請大學二年生黃宥慈來打嘴鼓，分享自家个客家經驗。宥慈講佢係四分一个客家人，講个腔頭係大埔腔！因為想愛同阿婆更加自然講話，故所開始學講客。宥慈乜摎桓恩分享，佢發現屋下人在講本土語言个時節，看起來還較生動！續下來，佢也講著選修「客家社會探究」課程个經驗，自家係仰般辦「客語小教室」呢？遽遽來聽這集《有料無料共下坐尞》！ 👂本集節目重點： ➢因為學客話，故所摎阿婆有更加多个「共鳴」！？ ➢客語小教室有哪兜活動，後生人个成長 ➢客話有哪兜餳後生人、Z世代个優勢？ 學兜仔客家話 & 延伸思考 「係講這下講客還有困難、還有進步空間，毋過你會仰般用自家个步數來去實踐客家呢？」
S1 · E131 · 31 May 2026
受訪者：姜雲玉 / 臺師大客語學程講師 💡受訪者與本集主題介紹： 今晡日《有料無料共下坐尞》邀請臺師大「客語與客家文化學分學程」的姜雲玉先生來打嘴鼓（姜先生頭擺乜係央廣个主持人喔！）。到底這兩年客語學程有哪兜課程呢？先生自家个課程又係仰般來進行，學生會對麼个角度來學客家呢？最尾，雲玉先生乜同桓恩分享，學校課程摎這下个媒體、短影音愛仰般結合，分更加多个人了解𫣆俚客家。遽遽來聽這集《有料無料共下坐尞》！ 👂本集節目重點： ➢臺師大客語學程有哪兜課程，在高等教育裡肚有麼个意義？ ➢雲玉先生个客家音樂課，麼个安到流行！？ ➢做幾多算幾多，客家个路定著會繼續行落去！ 學兜仔客家話 & 延伸思考 「這下學校个本土教育堵著个問題係師資、教材？還係學生个學習動機？敢講係無該將客話應用在現代職場與社會議題个場域？」
S1 · E130 · 24 May 2026
受訪者：郷家一希 / 客家おじさん 💡受訪者與本集主題介紹： 毋單淨台灣人在該做客語復振，日本人乜加入打拚个行列！今晡日个《有料無料共下坐尞》邀請一位講自家係「客家おじさん」个日本人：郷家一希先生來打嘴鼓，分享自家同餔娘个緣分，還有開始學習客話个原因。郷家先生到底係仰般來訓練自家「聽客」个能力呢？佢乜分享盡多資源！續下來，桓恩也問郷家先生經營客話學習社群个動機摎經驗，聽講因為這隻平台，有當多人同郷家先生交流哦～遽遽來聽這集《有料無料共下坐尞》！ 👂本集節目重點： ➢日本人做麼个開始學習客語？原來一切都係跨海个緣分 ➢學習客話个方式，原來廣播電台當重要！ ➢來台灣當多年咧，還係有毋習慣个所在。 學兜仔客家話 & 延伸思考 「想愛請問當煞猛學客个聽眾好朋友，還有哪兜个資源摎孔竅做得分享分大家無？歡迎在下背留言喔！」
S1 · E129 · 17 May 2026
受訪者：陳錦輝 / 藝術家 💡受訪者與本集主題介紹： 接續上週子萱老師和大家分享的內容，今天《有料無料共下坐尞》邀請藝術家陳錦輝（阿輝老師）來和大家分享客庄社區演出的更多細節。究竟為何會選擇新埔的社區當作據點呢？他們有哪些豐富的藝術能量？此外，阿輝老師也分享北埔鄉南埔社區「鹹菜桶打擊樂劇團」的故事。此外，在面對和自己觀念不同的阿公阿婆時，尊重原來是第一步的溝通技巧！？最後，阿輝老師也說明何謂「環境劇場」，以及表演藝術與地方產業結合的有趣故事！ 遽遽來聽這集《有料無料共下坐尞》！ 👂本集節目重點： ➢客庄裡肚有哪兜生趣个故事？原來恁有活力！ ➢在準備過程有哪兜困難同挑戰呢？愛仰般來解決？ ➢麼个安到「環境劇場」，做麼个愛結合在地產業？ 學兜仔客家話 & 延伸思考 「你知麼个安到『環境劇場』無？你試著這種表演方式會分人仰般形的感覺？」
S1 · E128 · 10 May 2026
受訪者：廖子萱老師 / 劇場工作者 💡受訪者與本集主題介紹： 不知道大家平常會不會去劇場看戲呢？今天《有料無料共下坐尞》邀請劇場工作者廖子萱來和大家分享指導「全客語演出」的故事與心路歷程。首先老師先分享了這個社區演出的故事大綱，是用在地的語言演出在地的故事！甚至未來會結合環境劇場，讓觀眾身歷其境。此外，非客家人的子萱老師要如何指導這群社區的阿公、阿婆呢？演員的培訓如何練習，與演員之間有哪些火花？最後，子萱老師又對這場演出有哪些看法呢？客家對老師而言是什麼樣貌？遽遽來聽這集《有料無料共下坐尞》！ 👂本集節目重點： ➢社區演出在地个故事，演員全全係阿公、阿婆？ ➢自家毋係客人愛仰般指導演員「演客」呢？ ➢因為聽毋識，所以做得更加注重畫面同表情！？ 學兜仔客家話 & 延伸思考 「你有看過麼个劇場个戲劇呢？你對客家相關演出个想法係麼个？你會仰般來指導演員呢？」
S1 · E127 · 3 May 2026
受訪者：羅己能 / 恆器製酒負責人 💡受訪者與本集主題介紹： 接續上一集，今晡日《有料無料共下坐尞》共樣邀請恆器製酒个羅己能頭家來打嘴鼓，討論食番薯酒个方式，除忒直接食，乜做得做調酒个基底。其實恆器製酒也係客家之光、台灣之光，在國際上得到盡多獎牌，頭家乜分享得獎前後个心情！麼个安到「石虎友善」呢？石虎友善个弓蕉愛做麼个酒？最尾，恆器製酒有哪兜本土語言个元素呢？包裝頂項竟然有客話！？遽遽來聽這集《有料無料共下坐尞》！ 👂本集節目重點： ➢番薯酒个特色摎食酒个方式（駛車莫食酒！） ➢台灣之光！出國比賽个經驗分世界看著台灣 ➢堅持台灣製造同本土語言包裝个設計 學兜仔客家話 & 延伸思考 「係講這下有台灣个後生人想愛做在地創業，可能會堵著麼个困難呢？愛用仰般形个心態來去克服？」
S1 · E126 · 26 Apr 2026
受訪者：羅己能 / 恆器製酒負責人 💡受訪者與本集主題介紹： 今晡日《有料無料共下坐尞》邀請恆器製酒个頭家來打嘴鼓，除了分享頭家如何轉換跑道一心製酒外，也特別介紹「地瓜酒」是什麼！？以及與農民合作，將格外品的水果做成酒的故事。此外，台農57號的地瓜與其他品種相比，有什麼特別之處呢？威士忌入桶陳化的做法，透過不同的桶子製作，會有哪些風味差異呢？遽遽來聽這集《有料無料共下坐尞》！ 👂本集節目重點： ➢釀製地瓜酒的背景與過程，哪種地瓜最適合釀酒呢？ ➢使用在地水果釀酒的故事與契機 ➢什麼是有機酒，符合哪些條件才能得到認證？ 學兜仔客家話 & 延伸思考 「酒个商品愛仰般呈現台灣在地个水果風味呢？係講你係頭家，你會仰般推廣台灣个食酒文化？」
S1 · E125 · 19 Apr 2026
💡本集主題介紹： 歡迎收聽《有料無料共下坐尞》追星社會課專題个最尾一集，來到期末考的時節哩呦～桓恩一開始先同大家複習頭前八集个重點，提醒各位後生人、追星人在迷偶像个時節，愛注意哪兜事情。續下來引入情境，問大家有關追星世界裡肚个危險陷阱，乜借用之前瑋平律師、定綱先生講過个話來提醒大家。最尾，乜有講到政治、消費觀、文化資本等等个內容，摎大家討論愛仰般在追星世界裡肚理性尋認同，分自家變做一个有意識个追星青少年、後生人。遽遽來聽這集《有料無料共下坐尞》！ 👂本集節目重點： ➢追星社會課期末總複習，還記得這兜注意事項無？ ➢補充各議題个新聞同內容，追星人愛有仰般个思考力！？ ➢共下在追星世界裡肚理性尋認同 學兜仔客家話 & 延伸思考 「在節目過後，你會用哪種方式提醒自家在追星世界裡肚个活動摎言論？有哪兜方式做得分自家變成一个更加有力量、有意識个追星人呢？」
S1 · E124 · 12 Apr 2026
受訪者：陳意茹 / 理性消費的佛系腐女 💡受訪者與本集主題介紹： 今晡日《有料無料共下坐尞》邀請意茹來打嘴鼓，分享自家在追星世界个消費觀。有人會試著，定著愛消費、花錢買周邊商品係粉絲个責任，毋過意茹有自家一套追星消費法同大家分享！續等意茹也分享自家个追星經驗，有生趣乜有悲慘，係講家己當中意个偶像人設定壞忒，愛仰般「及時止損」呢？（金錢摎情感項都係）。最尾，意茹乜講「逐擺个消費都係為著理想个世界打票」，愛仰仔來去實踐呢？遽遽來聽這集《有料無料共下坐尞》！ 👂本集節目重點： ➢佛系追星个消費觀，定著愛花錢正係真粉絲無！？ ➢談喜歡的演員、電影、海報收集！附：慘痛的追星經驗 ➢逐擺个消費都係為著理想个世界打票 學兜仔客家話 & 延伸思考 「你會因為自家个立場、價值觀來決定愛去哪位消費無？你有支持『逐擺个消費都係為著理想个世界打票』這句話無？」
S1 · E123 · 5 Apr 2026
受訪者：謝采凝 / 燃燒機票的追星女 💡受訪者與本集主題介紹： 從「追星」談到「文化資本」！？許多人認為追星只是花錢娛樂，但其實追星背後可是有滿滿的自我提升！今天的《有料無料共下坐尞》追星社會課專題邀請到追星經驗豐富的采凝來分享，從自我經驗談到追星文化的專業術語；從韓語學習聊到他國追星文化觀察，究竟追星過程中要如何「邊看邊聽又邊學」呢？當追星成為信仰後，對自己的生活有帶來哪些益處呢？最後，采凝也有話想分享給廣大的追星後生朋友（年輕朋友）！遽遽來聽這集《有料無料共下坐尞》！ 👂本集節目重點： ➢韓國追星文化个演變與歷史，二代團？三代團？這係麼个？ ➢追星乜做得提升文化資本！講語言學習、文化觀察 ➢追星變成信仰過後愛注意个事情 學兜仔客家話 & 延伸思考 「愛仰般對熱愛个事情來去學習新知識？係講你自家有追星，敢有乜識因為偶像，去了解另外一个國家个語言、歷史脈絡還係社會議題呢？」
S1 · E122 · 29 Mar 2026
受訪者：江瑋平 / 律師 💡受訪者與本集主題介紹： 「追星」同「法律」兩隻名詞聽起來差到天仔隔五里，毋過其實當有相關。今晡日《有料無料共下坐尞》邀請著江瑋平律師來打嘴鼓，用法律个目珠來看追星文化。桓恩2024年去看演唱會个時節，發現外背有當多人在該賣無授權个商品，恁樣店頭會有麼个法律責任呢？站哥、站姐（韓國个追星文化，用翕相機翕偶像、經營應援站个粉絲群體）自家做小卡拿去賣，敢有違反肖像權法？私生飯對藝人會有麼个影響？哪兜法律做得保護藝人？遽遽來聽這集《有料無料共下坐尞》！ 👂本集節目重點： ➢非官方周邊商品有可能會拄著个法律責任 ➢偶像係人毋係神！講藝人个隱私、權利問題 ➢律師分後生追星人个一句話 學兜仔客家話 & 延伸思考 「有兜粉絲因為無得著藝人个回應斯由愛生恨，在網路頂放送藝人个壞話、謠言，恁樣會有麼个法律責任呢？」
S1 · E121 · 22 Mar 2026
受訪者：黃海納 / 寶塚歌劇團雪組粉絲 💡受訪者與本集主題介紹： 講著「追星」，大部分个人都會想著韓國、日本个團體。今晡日《有料無料共下坐尞》邀請海納來分享佢个追星經驗，係麼个原因分佢開始中意日本國寶級个「寶塚歌劇團」呢？主流團體摎韓國新風格个女團又有麼个爭差呢？台灣有自家个應援文化無？大自家都講「追星使人快樂」，毋過愛仰般照顧情緒乜係非常重要！遽遽來聽這集《有料無料共下坐尞》！ 👂本集節目重點： ➢「寶塚歌劇團」个簡單紹介、新風格女團个價值觀！ ➢台灣个追星族敢有自家个應援文化？ ➢追星情緒課：仰般在「投入情感」同「保持自我」中央尋著平衡點？ 學兜仔客家話 & 延伸思考 「你敢有中意个偶像摎明星？有聽過哪兜追星應援方式？」
隨著媒體分眾化，資訊爆炸、各自沉浸在同溫層中、真正的溝通愈來愈困難，【有料、無料，共下坐尞】希望透過有料的嚴肅時事、無料的輕鬆話題，談青年觀點、社群經營，也談不同觀點之間的碰撞，結合日常生活、時事趨勢與重要議題，讓聽友輕鬆跨越舒適圈，思考這些議題對生活的影響。 ☆聽友來信 ☀Facebook▸ 央廣臺灣客語粉絲團 ☀Instagram▸彭桓恩 ☀聽眾信箱▸ [email protected] ☀郵寄地址▸ 台灣104237 台北市中山區北安路55號 中央廣播電臺 客語節目 ☀微信WeChat▸ rti0228856168（北安小姐姐）
有料無料共下坐尞 is a Chinese arts & books podcast from 彭桓恩,Rti. Melo plays each episode straight from the publisher's own feed — no ads added, no account needed — and remembers where you stopped, in this browser only.
The Melo app keeps playing with the screen off, works in the car and on your watch, wakes you to your station, and browses the whole catalogue offline. Free, no ads, no account.
