كلام وعي

Latest episode

9 Aug 2025 · 5 min

كلام وعي الحلقة 40 | تغيير العادات السيئة

كل عادة في حياتك تبدأ من إشارة وتنتهي بمكافأة، وبينهما روتين يتكرر حتى يصبح جزءًا منك.لكن حين نحاول التخلص من عادة لا نحبها أغلبنا يهاجم الروتين ويحرم نفسه من المكافأة، متجاهلًا الإشارة التي أشعلت الشرارة الأولى وهنا يبدأ الصراع.في هذي الحلقة من كلام وعي ناخذك في رحلة فهم خريطة عاداتك، كيف يبرمج عقلك سلوكياتك وليه يرفض يترك الشيء اللي اعتاد عليه بنتعلم كيف نغير الروتين بذكاء ونحتفظ بالإحساس اللي ندور عليه بدون جلد الذات أو حروب داخلية، وتذكر عاداتك اليوم هي قرارات الأمس وقرارك اليوم بيصنع عاداتك غدًا. الحلقة مبنية على أفكار كتاب The power of habit

Play episodeWhatsApp (opens WhatsApp)Download

Earlier episodes 29 most recent

1. 

   E39 · 2 Aug 2025 · 6 min

   كلام وعي الحلقة 39 | صوت من طفولتي الجزء الثاني

   في زوايا الطفولة كان القرب مخيف، والبوح خطأ، فاخترنا الصمت كوسيلة نجاة ومرّ العمر لكن ذاك الصمت ما كان مؤقت وصار أسلوب حياة، كبرنا وصرنا نرتبك من الحميمية ونرتاح في المسافة ونختار العلاقات اللي ما تحتاج مشاعر عالية أو التزام عميق، نضحك ونشارك ونظهر، لكن ما أحد يعرف عمق الوحدة اللي بداخلنا.في هذه الحلقة من كلام وعي، نغوص في ملامح الشخصية التجنبية، كيف تتكون وكيف تعيش وكيف تبدأ الرحلة لفهمها والتصالح معها.

2. 

   E38 · 26 Jul 2025 · 6 min

   كلام وعي الحلقة 38 | صوت من طفولتي

   كلنا نكبر بس مو كلنا نتخطى طفولتنا، أحيانًا تصرفاتنا اليوم مثل حساسيتنا الزايدة، تعلقنا أو حتى برودنا تكون انعكاس لمواقف قديمة صارت وحنا أطفال وتأثرنا فيها بدون ما ننتبه.في هذه الحلقة، تكلمنا عن الطفولة وكيف تبني فينا أشياء تظل مستمرة لليوم بدون ما نلاحظ، لكن مهم نوضح احنا ما نلوم أهلنا ولا نقول انهم كانوا سيئين بالعكس، كثير منهم ما كانوا يعرفون وما كان عندهم وعي ويمكن كانوا يحملون جروحهم هم بعد.احنا بس نحاول نفهم أنفسنا أكثر، ننتبه ونعرف من وين جاي هالصوت الداخلي اللي أحيانًا يتعبنا.

3. 

   E37 · 19 Jul 2025 · 6 min

   كلام وعي الحلقة 37 | حب الذات والاكتفاء

   الوحدة: اكتفاء أم خوف؟في هذا الزمن اللي نسمع فيه كثير عن حب الذات صار فيه خلط بين الاكتفاء الصحي والعزلة اللي سببها خوف أو خيبة.هل نقدر نعيش فعلاً بدون علاقات؟ وهل الاكتفاء عن الناس دائمًا يعني وعي ونضج؟ ولا ممكن يكون هروب من ألم أو تعلق سابق؟في هذه الحلقة من بودكاست كلام وعي، نحاول نعيد تعريف حب الذات من جذوره وش يعني أكون مكتفي بذاتي؟ وكيف افرق بين التعلق والاحتياج الطبيعي وكيف أوازن بين اني أكون مع نفسي وبين اني أسمح للآخرين يدخلون عالمي دون ما أفقد نفسي.

4. 

   E36 · 12 Jul 2025 · 4 min

   لام وعي الحلقة 36 | غياب الشعور بعد تحقق الهدف

   تحقق الهدف اللي كنت تحلم فيه، بس ما حسيت بالسعادة اللي توقعتها؟في هذه الحلقة من كلام وعي نتكلم عن الفراغ اللي يجي بعد الإنجاز، وليه أحيانًا نحس إن ولا شيء تغير.هل السعادة مربوطة بالنتيجة؟ ولا نقدر نعيشها من الآن؟حلقة عميقة تساعدك تفهم مشاعرك بعد الوصول وتعيد توازنك الداخلي.

5. 

   E35 · 5 Jul 2025 · 7 min

   كلام وعي الحلقة 35 | الحدس وصوت القلب

   هل سبق وسمعت صوت داخلي يقول لك “سوي" أو " لا تسوي"؟صوت واضح، هادئ، يجي فجأة بدون تبرير ولا تفكير، هذا الصوت اللي نسميه أحيانًا صوت القلب أو الحدس وش هو بالضبط؟ليش بعض الناس يسمعونه بسهولة، وناس ثانيين ينكرونه أو يشكون فيه؟ وكيف نفرق بينه وبين أصوات الخوف والتفكير الزايد؟في هذه الحلقة، أشارككم تجربة شخصية صارت لي وغيرت فهمي لهذا الصوت وتكلمت عن الفرق بين الإحساس الفطري والأفكار المحللة وكيف نقدر ندرب أنفسنا على تمييز صوت القلب والثقة فيه.

6. 

   E34 · 28 Jun 2025 · 6 min

   كلام وعي الحلقة 34 | مخاوف أجيالنا المشتركة

   ليش جيلنا دايم يحس إنه متأخر؟ليش نحس إننا نركض ونقارن ونفقد نفسنا في الطريق؟في هالحلقة تكلمنا عن أكثر ثلاث مخاوف يعيشها جيلنا بصمت واللي هي: ضغط الإنجاز، المقارنة المستمرة، وضياع الهوية.وشاركنا تجارب وأفكار تساعدك تفهم نفسك أكثر وتهدّئ القلق اللي بداخلك وتستوعب إن اللي تمر فيه مو نهاية بل مرحلة طبيعية تمر على كثير منا.

More English learning

• "Thoughts Become Things" Podcast by Moses B. Arthur Moses B. Arthur
• "Way To 'THE': Success Is Nothing To Us" Vivekanand Burange
• 'I AM THAT' by Ekta Bathija Ekta Bathija
• 10 MINUTES TO LESS SUFFERING Allison Carmen
• 10 Minute Teacher Podcast with Cool Cat Teacher Vicki Davis
• 10 Minutes to a Better Homeschool Pam Barnhill