Podcast · Society & Culture
by Marwa Ali · Arabic · Society & Culture
أهلاً بكم في البودكاست العربي Travel Codes البودكاست بتاعنا بيتكلم عن ثقافة السفر, معلومات جديدة ,خبايا عن السفر و خبرات شخصية متفردة من مسافرين مختلفيين كل يوم تلات حنستمتع برحلة جديدة مع ضيف جديد في صحبة مروة علي you can reach us via email : [email protected] & FB : https://
13 Feb 2024 · 37 min
مروه و مصطفي حيحكولنا تايلاند ممكن تعمل فيها إيه كعيله و خصوصا أن مصطفي راحها و هو أعزب فبيدينا الخلاصه و الفرق ما بين الحالتين و المزارات المناسبه لكل حاله . تفاصيل الرحله من أماكن و أكلات و مواصلات و مشاهدات يوميه و شوية نصايح للي بيخطط الرحله دي أو اللي نفسه يسافر معاهم في الحكايات
12 Dec 2023 · 38 min
نعي في البودكاست ده حتحكلنا عن كتابتها في أدب الرحلات و التاريخ و الحكايات اللي ورا كل كتاب و تاريخ أماكن أعتدناها و معمار فني و حكياته في مدن مختلفه في أوروبا و أمريكا و دول عربيه ، أسمع البودكاست ده حتطلع رحله ممتعه عن العشق و السفر
28 Nov 2023 · 43 min
بودكاست النهارده مش عن رحله و لا فسحه ، النهارده معانا دكتور سويلم طبيب نفسي في مهام نقل لمرضى من بلد لبلد تبع هيئات دوليه .أسرار و قصص منعرفش عنها من التجهيزات الطبية في الطياره و لناس بتسافر معانا بظروف لا نتخيلها ، مواقف شيقه و غريبه و نصايح لينا من دكتور مسافر ، لو ليك شوق في شوية أثاره 🎧 أسمع البودكاست ده و أستمتع حتي أخر لحظه
14 Nov 2023 · 51 min
المغرب وجهه سياحيه طالعه بسرعة الصاروخ عالميا ، يا تري العالم كله متجه ليها لية؟ محمود فخري أقوي مرشد و صاحب أكبر رحلات للمغرب حيحكلنا عن المغرب ، تقعد قد إيه و تروح فين و تدفع كام و كل سؤال جاه علي بالك علشان تسافر هناك حتسمع أجابته من محمود . أسمع 🎧 البودكاست و سافر في رحله متنظمه بحرفيه علي كنبتك 😉
10 Oct 2023 · 32 min
إيمان حتحكلنا في البودكاست ده إزاي قدرت تلاقي أكتر من فرصه تسافر و تتعلم تأمل مجانا في المغرب و تايلاند . شغفها في السفر داخلها في مناطق جديده أتعلمت فيها و أتعرفت علي نفسها بشكل أحسن . قدمت إزاي و عملوا إيه هناك و لو عايز توصل زيها تعمل إيه .. أسمع 🎧البودكاست ده علشان تعرف كل الحدوته
4 Jul 2023 · 46 min
سعيد الخولي لف كل صحاري مصر شبر شبر ، حيحكيلنا اللي مانعرفهوش ، الديناصورات اللي لقوها ، الكهوف ، الحيوانات المرعبه الموجوده في صحرا. و حواديت عن الطيور المهاجره و الصيد الشريف و الطبخ في الصحرا. أسمع البودكاست ده و حضر نفسك لقاعدة طويله بدون بربشه و فيه مفاجأة من ترافل كودز في أول البودكاست بلغونا رأيكم فيها علي الصفحه 😉
7 Jun 2023 · 34 min
حكاية عيلة لفيت في إيطاليا ، حتعرف عن البلد و جمالها في الطبيعه و المعمار و كل مدينه زرناها ، مواقف طريفه و صعبه ومغامرات . أكتر حاجه حتسمع عنها في البودكاست هي الأكل الإيطالي علشان تعمل حسابك مروه و مصطفي حيجوعوك 😉
23 May 2023 · 43 min
محمود مؤسس have a dream , الأكبر و الأقدم و يمكن الوحيده اللي بتقدم فرص سفر تطوعي منظم في مصر هو ضيفنا. حيحكلنا أزاي تقدر تسافر عن طريق التطوع، هو بدأ أزي و بيعملوا إيه في التطوع و بيروحو فين. قصص كتير حتفتحلك باب عالم جديد ، أسمع البودكاست و أعرف السكة لمتعة جديدة في الحياة السفر و التطوع و المساعده و ممارسة الإنسانية
8 May 2023 · 43 min
شيرين حتفرجنا علي الهند في مغامرتها علي موتوسكل لوحدها مع مفارقات غريبه و ناس مختلفه ، وقوع و توهان و بيات في مزرعه و قري صغيره و حواديت كواتش سيرفنج من هنا لبكره و أكل مختلف. تعالوا نسمع و نتفرج معاها
20 Dec 2022 · 35 min
جزر المالديف مبنعرفش عنها غير صورة الفيلا اللي وسط بحر حلو قوي و صينية الفطار في البيسن ، و في نفس الوقت بنلاقي أعلانات رحلات أسعرها معقولة مش لايقة علي الدلع ده ، و تفاصيل كتير في النص مش واضحة . في البودكاست ده مصطفي و مروة حبحكولنا حواديت مفصلة عن المالديف ، إية الجزر دي و أنقي مكان فيها أزاي و الفرق بين الجزر إية . بعد البودكاست ده حتعرف تخطط سفريتك للمالديف و تفهم تفاصيل أي أعلان حتشوفه و تتقي المناسب ليك
6 Dec 2022 · 36 min
عايز تسمع بيبيعوا إيه في السوبرماركت في البلاد المختلفة غير اللي في بلدك و رأي دينا البنت المصرية الحريفة في السوبرماركت و مشهورة أنها الوحيدة اللي بتعمل تقييمات عن المنتجات علي السوشيال ميديا لما جربت منه حاجات كتيرة و غريبة و لذيذة، اسمع البودكاست ده حتتعرف على السوبرماركت و تجيب منه إيه في اليابان و أمريكا و هولاندا و الهند و اخرون
15 Nov 2022 · 42 min
في البودكاست ده حتعرف إزاي تقدر تاخد أكتر من منحة، أمل حتحكي لنا عن منح و سفريات بدأت معاها من المراهقة و لحد ما خلصت الجامعة و إشتغلت. المنح كانت جوة مصر و في أمريكا و جنوب أفريقيا، كل المنح دي لسة موجودة و لما تعرف قصة أمل الملهمة حتعرف السكة و توصلهم إزاي. لو مهتم بمعلومات عن التعليم برة بدون مصروفات، البودكاست ده ليك، لو حابب تسمع قصة نجاح تحمسك تكمل أي مشوار، إسمع البودكاست ده
1 Nov 2022 · 43 min
سفرية لكينيا بطفل ممكن تقلب بنكد إلا لو عملتها كينيا لايت فيرچين بأنشطة بسيطة تنفع لأسرة. في البودكاست ده مروة و مصطفى حيحكولنا زاروا إيه مع طفلهم في كينيا ومازاروش إيه، والحياة البرية مع الحيوانات هناك، غير المواقف الغريبة و المغامرات اللي قابلتهم هناك من أول ما ركبوا الطيارة من الفيز المستعصية و الشهادة الصفرا. إسمع البودكاست ده و سافر معاهم في رحلة إلي كينيا الفيرچين اللايت
18 Oct 2022 · 40 min
في البودكاست ده علي حيحكلنا بالتفصيل إزاي طلع عمرة لوحده من غير شركة سياحة و وفر نص التكلفة من غير ما يكون معاه فيزا تانية تساعده و لا إقامة أجنبية. حتحتاج تركز في كل تفصيلة علشان تعمل زيه بالظبط
20 Sep 2022 · 39 min
يعني إيه تعليم حر و أحسن من تعليم المدرسة، سارة مدربة تعليم حر و مصممة تجارب تعلم حر عن طريق السفر حتحكيلنا التفاصيل و عملت كده أزاي مع أبنها في رحلة أستمرت سنة و ربع. ده طلع فيه مجتمعات للتعليم الحر و مش ناس كتير تعرف عنها، هي حتعرفنا عليها، لو حابب تجربة مختلفة تعلم بيها ولادك أسمع البودكاست ده فيه كل المعلومات الأساسية و نتيجة عملية لناس طبقت الكلام ده.
16 Aug 2022 · 32 min
في البودكاست ده حتعرف كل حاجة عن الدراسة في تركيا، التقديم، التكلفة، طريقة العيشة هناك كطالب. علشان لو بتفكر تقارن بين الدراسة في تركيا ولا في روسيا، إسمع البودكاست ده وإسمع البودكاست اللي فات عن الدراسة في روسيا 😉 حتعرف بالظبط مين الأفضل لك
10 Aug 2022 · 31 min
عمر بيدرس الجامعة في روسيا بقاله تلات سنين ، حكلنا بقى رحلته من مجموع الثانوية العامة اللي أضطره يسافر و إزاي و الورق المطلوب، لحد رحلة التكيف و الإستمتاع في العيشة في روسيا و عمل صداقات و مجتمع هناك. محتاج إيه و حيكلفك كام الدراسة و الإقامة و مين يقدر يساعدك في ده … تأثير الحرب علي الحياة حاليا في روسيا كل ده حتعرفه لما تسمع البودكاست ده و تتعرف علي روسيا أكتر
19 Jul 2022 · 30 min
البودكاست ده عزيز على قلبي علشان بنحكي لكم فيه سفرية عيد ميلادي المفاجأة اللي مصطفى خططلها بعناية في السر 🤫. واحدة من أحلي زيارتنا للبنان. حتى لو رحت لبنان قبل كده في البودكاست ده حتعرفها بشكل تاني و حنعرفك على أماكن جديدة بكل تفاصيلها لو غاوي السفريات المختلفة و الإستمتاع المميز إسمع البودكاست ده
5 Jul 2022 · 1 hr 4 min
البودكاست ده مختلف جدا لأني بتكلم فيه مع مصطفى من بودكاست أفر جرين اللي دايما بيتكلم عن البساطة و المحافظة على البيئة، بس النهاردة الكلام كله عن السفر و إزاي كل واحد فينا بيحاول يشيل أقل شنط سفر و حنطلعلكم كل أسرارنا 😉
25 Jun 2022 · 10 min
في الميني بودكاست ده حنقول كل التركات و الأفكار اللي حتحمينا من الكوارث و الفضايح في السفر مع الأطفال، من أول تحضير الشنطة و رحلة الطيارة لخطة الخروجات و الفسح. إسمع البودكاست ده و شاركه مع الأهالي الحيرانة
17 May 2022 · 37 min
لو من أحلامك تلف أوروبا بميزانية محدودة و في نفس الوقت تكون مرتاح، المعادلة الصعبة دي محمود حققها مع زوجته و أولاده. أسس كرافان بنفسه في وقت الكورونا الثقيل لما كنا قاعدين مش عارفين نسافر، و أنطلق أول ما الدول بدأت تفتح من ألمانيا يستكشف الدول الأوروبية. إزاي بنا الكرافان؟ بيعيشوا فيه إزاي؟ خطوط السير؟ و التحديات كلها في داخل البودكاست 🎧 لما تسمع للأخر حتعرف إزاي ممكن تأجر كرافان كسائح و تخوض نفس التجربة 😉
19 Apr 2022 · 48 min
إزاي أسافر و أوفر ثمن الطيارة، Voyship أبليكاشن بتساعد أي مسافر يكسب مبلغ و هو مسافر عن طريق توصيله بناس عايزة تنقل حاجة من وجهة سفره بطريقة أمان إسمع 🎧 البودكاست مع محمد الجوهري مؤسس الأبليكاشن علشان تفهم إزاي حتستفيد و تبدأ تخطط لأول سفرياتك لما تسمع أخر البودكاست حتعرف إزاي ممكن أسرة كاملة تسافر ببلاش تماما 🤫
8 Mar 2022 · 48 min
خالد بيعرفنا على كل واحات مصر بعيونه، بحرية، خارجة، داخلة و غيرهم، حيحكي لنا قصص و حكايات و مغامرات عاشها في رحلاته المتعدد لكل واحة على موتسكله في سفر بطئ ممتع. ناس قبلها و مخاطر عدى بها، لحد أخر حكاية في البودكاست حتفضل مترقب و بتفكر هو عدى بكل ده إزاي 🤔 إسمع البودكاست ده و أعرف واحات مصر بعيون رحالة بيسافر ببطء
22 Feb 2022 · 13 min
أول ميني بودكاست عن كبسولة حجز الطيران، حيوضحلك كل الخبايا و النقط اللي محتاج تركز عليها علشان تحجز أحسن تذكرة طيران بأحسن سعر. بحذركم ان المعلومات كتيرة و دسمة يعني ممكن تحتاج تسمعها أكتر من مرة أو تكتب منها كمان المعلومات الجديده عليك 🙃 و ماتنساش تشارك الميني بودكاست مع الناس اللي حتستفيد منه
8 Feb 2022 · 52 min
رحلة لكل مدينة تتزار في سيريلانكا، دليلك في عشر أيام ازاي توصل لكل مدينة و تعمل فيها ايه و حتكلفك كام بالطريقة المناسبة لك حسب ميزانيتك. مي مصيلحي راحت سيريلنكا كتير و بتطلع ناس هناك تفسحهم و تدلعهم حتحكي لنا كل ده بالتفاصيل حتدينا الزيتونة بقى من الأخر خصوصا أن سيريلانكا مليانة حاجات مختلفة قوي من معابد لطبيعة لبحر فتظبيط السفرية محتاج كياسة 😉 اسمع البودكاست 🎧ده لو بتفكر تروح أو عايز تسافر و مكسل تسافر بس عايز تستمتع مع اللي سافر.
18 Jan 2022 · 43 min
في البودكاست ده الفنانة التشكيلية مي السيد حتعرفنا بُعد جديد في التطوع و السفر، كلام أول مرة حتعرف أنه موجود في مصر، تطوع فني كيوت جدا في مشروعات صعبة جدا مع السفارات و الهيئات الأجنبية في مصر. تجارب مختلفة في جنوب مصر ومع أطفال الشوارع و رياضيين كلها فيها مساعدة للمجتمع و سفر أو أستقبلها لمسافرين لو أنت بتحب مساعدة المجتمع، أو بتحب السفر أو بتحب تسافر بدون تكلفة مادية كبيرة، اسمع 🎧البودكاست ده حينورلك 💡 لمبات جديدة من الأفكار
5 Jan 2022 · 41 min
أول حلقة في الموسم الخامس من ترافل كودز بما انها اول حلقة في السنة فقولنا نشارك معاكم سفريات ٢٠٢١ بذكرياتها الحلوة و العودة للمطار الدولي بقى مع حواديت أماكن السفر الداخلي و ماخبناش عليكم مصايب السفر اللي أصابتنا أول مرة من السفر لبعض الأماكن الصحراوية النائية و تشريف حشرة غريبة في بيتنا و السفر بالجبس. لما تسمع الحلقه للأخر حتلاقي شوية تفاؤل في تخطيط سفريات ٢٠٢٢ 😉
10 Aug 2021 · 50 min
البودكاست ده لمروة و مصطفى ثنائي السفر بس مفاجأة المرة دي مصطفى هو المذيع 🙃 و مروة اللي بتحكي. مصطفى حيطلع من مروة تفاصيل تخطيط رحلة سريعة مدينة كابدوكيا في تركيا ، كل اللي محتاج تعرفه علشان تحط المكان المختلف ده على قايمة الوجهات اللي حتطلعها أو تحبه و تحس أنك زرت المدينة الجبلية القديمة جدا جوة حكايات مروة ، و طبعا حنحكي عن ما يحدث ورا صور البالون المميزة لكبادوكيا و صور السجاد القديم و الفنادق الي محفورة جوة الجبل و مدينة الجن القديمة اللي في بطن الجبل و حواديت كتير, إسمع 🎧 البودكاست ده حتتعرف و تتحمس لكبادوكيا جدا و حتعرف مصطفى كان فين و مروة في كابدوكيا 😉
27 Jul 2021 · 42 min
جيرو أصلا كانت في سفرية من السفر التطوعي اللذيذ أبو تلات شهور في مدرسة صغيرة في قرية في اطراف تايلاند على الحدود مع لاوس، و مع كل صدمات الحضارية و العادات المختلفة اللي كانت بتقابلها و حتحكي لنا عليها كانت راكنة على أنها قاعدة تلات شهور و يعدوا، البلوف كله حصل لما الكورونا قفلت عليها لمده ١٥ شهر هناك و هنا بدأ التعايش مع الظروف و الحشرات و الحيوانات الخطيرة و الوحدة و الأكل العجيب و حاجز اللغة، حواديت ملهاش سقف 🎧 حتسمعوها في البودكاست ده.
13 Jul 2021 · 45 min
تعرف إيه عن باكستان السياحية، قليل جدا لو عارف. شريف بتاع أكشن ضيفنا بقي حيحكي لنا عن القبض عليه على حدود أفغانستان، حيحكي لنا عن تحديه لأقوى رجل في العالم في باكستان ، حيحكي لنا على أخطر جسر شافه هناك و حيحكي لنا على أحلى منظر طبيعي ممكن نشوفه في حياتك، فيما يخص السايح العادي مش مستوى السوبر بندق 😁 فى البودكاست ده حنتعرف علي باكستان و شعبها و طبعهم، مطبخهم، تنوع المناطق الجغرافية من شمالها و جنوبها و حنعرف أهم الأماكن السياحية اللي لازم نروحها أسمع 🎧 البودكاست ده و حتستمتع بشدة 😉
أهلاً بكم في البودكاست العربي Travel Codes البودكاست بتاعنا بيتكلم عن ثقافة السفر, معلومات جديدة ,خبايا عن السفر و خبرات شخصية متفردة من مسافرين مختلفيين كل يوم تلات حنستمتع برحلة جديدة مع ضيف جديد في صحبة مروة علي you can reach us via email : [email protected] & FB : https://
Travel Codes بودكاست is a Arabic society & culture podcast from Marwa Ali. Melo plays each episode straight from the publisher's own feed — no ads added, no account needed — and remembers where you stopped, in this browser only.
The Melo app keeps playing with the screen off, works in the car and on your watch, wakes you to your station, and browses the whole catalogue offline. Free, no ads, no account.
